ШИНЭ ҮНДСЭН ХУУЛЬ БАТЛАГДСАНЫ 33 ЖИЛИЙН ОЙД ЗОРИУЛСАН ҮНДЭСНИЙ БӨХИЙН БАРИЛДААН БОЛЛОО.

Монгол Улсын Шинэ Үндсэн хууль батлагдсаны 33 жилийн ойн баярын хүрээнд аймгийн ИТХ, Зэвсэгт хүчний 123-р анги, аймгийн БТСГ, аймгийн Үндэсний бөхийн холбоо хамтран Ховд аймгийн алдар цолтой хүчит 32 бөхийн барилдааныг зохион байгууллаа.

Үндэсний бөхийн нээлтийн үйл ажиллагаанд аймгийн ИТХ-ын Нарийн бичгийн дарга Л.Жамъяндорж, аймгийн ЗДТГ-ын дарга Х.Баасанхүү, аймгийн БТСГ-ын дарга Б.Бямбажав, аймгийн ИТХ-ын төлөөлөгчид болон үе үеийн аймаг, сумын цолтой бөхчүүд, бөх сонирхогчид оролцов.

Бөхийн барилдаанд:

Буянт сумын харьяат аймгийн начин Оюутын Бямбацэрэн түрүүлж Дөргөн сумын харьяат аймгийн начин Төмөрхуягийн Эрдэнэдалай үзүүрлэв. Их шөвөгт аймгийн начин Ш.Еркинбек, сумын заан С. Гансүх нар үлдэв.

Уран барилдаант бөхийн шагналыг Дөргөн сумын заан “жижиг” хэмээх С.Гансүх хүртэв.

О.Бямбацэрэн начин унаган өмсөх мэхээрээ үзэгчдийг суудлаас нь өндөлзүүлсэн уран барилдаан хийж барилдлаа.

Жаяг дэгийн багт Хөлийн цэцээр а/з Г.Нямандэлэг, а/а С.Ганхуяг, с/н Х.Ганчулуун, Тайлбарлагчаар Г.Батсүрэн, ахлах засуул С.Ихбаяр, засуулуудаар аймгийн засуул Б.Өлзийжаргал, С.Нэргүй, н.Төвсайхан, Ахлах гарын даагаар С.Загдсүрэн, Д.Авирмэд, аймгийн гарын даагаар Н.Ирэхзаяа нар ажиллав.