“Монгол цэргийн өдөр” Зэвсэгт хүчний 104 жилийн ойг угтан орон нутагт үйл ажиллагаа явуулж байгаа Үндэсний аюулгүй байдлыг хангах тусгайлсан чиг үүрэг бүхий байгууллагуудын үйл ажиллагааг сурталчлах, хүүхэд залуус, иргэдэд эх оронч үзэл төлөвшүүлэх, иргэн цэргийн харилцааг бэхжүүлэх зорилгоор олон талт арга хэмжээг өрнүүлж байна. Үүний нэг нь Ховд аймаг дахь Үндэсний аюулгүй байдлыг хангах тусгайлсан чиг үүрэг бүхий байгууллагуудын алба хаагчдын дундах “Спортын олон төрөлт тэмцээн”
Өнөөдөр /2025.3.12/ эхэлсэн тус тэмцээнд 16 байгууллагын 12 багийн давхардсан тоогоор 520 гаруй тамирчин оролцож байна. Тэд волейбол, сагсанбөмбөг, даам, буудлага, ширээний теннис, дартс гэсэн спортын зургаан төрлөөр 135 багц медаль, шилжин явах цомын төлөө хурд хүч, авхаалж самбаагаа сорин өрсөлдөнө.Тэмцээний нээлтийн үйл ажиллагаанд Засаг даргын орлогч Л.Энхбаяр болон Үндэсний аюулгүй байдлыг хангах тусгайлсан чиг үүрэг бүхий байгууллагын удирдлага, алба хаагчид оролцлоо
Тэмцээний шилдгүүд маргааш тодорно
Монгол цэргийн өдрийг угтан зохион байгуулж буй олон талт арга хэмжээний хүрээнд
Төрийн цэргийн болон хууль сахиулах байгууллагын алба хаагчдын дунд “Марш тактик, тусгай бэлтгэлийн аварга шалгаруулах тэмцээн” Аймгийн аварга шалгаруулах шатрын нээлттэй тэмцээн Хүүхэд залуучуудын дунд “Цэргийн дууг хэн сайн дуулах вэ?” уралдаан “Цэрэг-спортын цогцолбор Дөл” тэмцээн Аймгийн аварга шалгаруулах U-14 насны волейболын тэмцээн Ховд аймгийн Мянгад сумын харьяат, Ардын Хатанбаатар С.Магсаржавын нэрэмжит, Цэргийн гавьяаны улаан тугийн одонт, Зэвсэгт хүчний 123 дугаар ангийн захирагчийн сургалт бэлтгэл хариуцсан орлогч, аймгийн Заан Дэрмээгийн Уламбаярын нэрэмжит Хүчит бөхийн барилдааныг тус тус зохион байгуулахаар төлөвлөжээ.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.