“ХӨДӨЛГӨӨН - ЭРҮҮЛ МЭНД” АЯНЫ ХҮРЭЭНД ИДЭВХТЭЙ ЯВГАН АЛХАЛТ ӨДӨРЛӨГ АМЖИЛТТАЙ БОЛЖ ӨНДӨРЛӨЛӨӨ
2025 оны 3-р сарын 15, Ховд хот – Монгол Улсын Биеийн тамир, спортын тухай хуулийн 9 дүгээр зүйл, аймгийн Засаг даргын мөрийн хөтөлбөрт тусгагдсан нийтийн биеийн тамирыг хөгжүүлэх бодлогын хүрээнд “ХӨДӨЛГӨӨН - ЭРҮҮЛ МЭНД” аяны хүрээнд ерөнхий боловсролын 7-12 дугаар ангийн сурагчдын дунд идэвхтэй явган алхалт өдөрлөгийг Ховд хотод амжилттай зохион байгууллаа.
Энэхүү үйл ажиллагаанд нийт 7 сургуулийн сурагчид хамрагдсан бөгөөд өглөөний 08:00 цагаас Ард-Аюушийн талбайд бүртгүүлж, хамтдаа нэгдсэн дасгал хөдөлгөөн хийсний дараа 08:30 цагаас маршрутын дагуу явган алхалт хийлээ. Сурагчид алхалтын явцад эрүүл амьдралын хэв маягийг төлөвшүүлэх, хамтын ажиллагааг сайжруулахад анхаарч, идэвхтэй оролцсон байна.
Өдөрлөгийн хүрээнд АХА тэмцээн зохион байгуулагдаж, сурагчдын эрүүл мэнд, биеийн тамирын талаарх мэдлэгийг сорьсон бөгөөд дараах сурагчид шагналт байр эзэллээ:
1-р байр – 7-р сургуулийн сурагч Н.Дэлгэрцэцэг
2-р байр – Прогресс сургуулийн сурагч Ц.Хүслэн
3-р байр – 7-р сургуулийн сурагч П.ХосбаярМөн хамгийн идэвхтэй оролцсон сургуулиар 1-р сургууль шалгарч, шагнал хүртлээ.
Энэхүү өдөрлөгт нийт 1121 сурагч идэвхтэй оролцлоо.
Тус арга хэмжээ нь сурагчдын биеийн тамирын дасгал хөдөлгөөнийг дэмжих, хөдөлгөөний хомсдолоос сэргийлэх, эрүүл амьдралын дадал хэвшлийг төлөвшүүлэхэд үнэтэй хувь нэмэр оруулсан үйл ажиллагаа боллоо.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.